«FORMANDO ATLETAS, FORMANDO PERSOAS»

CLUB ATLETISMO LUCUS
CAIXA RURAL GALEGA

Facendo, ensinando e amando o atletismo dende o ano 1984 na capital lucense.

PROTOCOLO DE ACCIDENTES DEPORTIVOS

Lémbrase que, en caso de accidentes deportivos que requiran de atención médica, ben sexa nos adestramentos ou durante as competicións, o PROTOCOLO DE ACTUACIÓN deberá ser o seguinte.

É MOI IMPORTANTE o seguimento estricto destas pautas pois, en caso contario, non quedará cuberta polo seguro a atención médica recibida e deberá correr cos gastos sanitarios ocasionados o/a afectado/a.

En caso de URXENCIA VITAL, acudir ao centro médico máis próximo e comunicarllo inmediatamente a calquera dos responsables do Club (monitores/as da Escola, adestradores ou persoas a cargo nese momento), para que tramiten a documentación necesaria coa aseguradora e/ou informe do protocolo de actuación en cada caso.
En caso de NON URXENCIA VITAL, poñerse en contacto inmediato con calquera dos responsables do Club (monitores/as da Escola, adestradores ou persoas a cargo nese momento) ANTES de acudir a ningún centro médico. O Club contactará coa aseguradora e/ou trasladará as instrucións necesarias para recibir a atención médica que proceda, segundo cada caso. POR FAVOR, SEGUIDE ESTRICTAMENTE AS INSTRUCIÓNS DO PROTOCOLO.

ATLETAS ATA OS 16 ANOS

Compañía aseguradora: SURNE.

Responsable: XOGADE.

Contactar coa aseguradora no 881 850 087 para comunicar o accidente e seguir os pasos que se indiquen. Acudir ao centro médico facilitado pola aseguradora para recibir a atención.
Será necesario o Identificador XOGADE (son as iniciais do nome completo seguido da data de nacemento, no formato do exemplo ficticio: María Fernández López 04/03/2012 sería MFL040312)
Comunicar ao Club o número de expediente para que certifique o accidente na plataforma o antes posible.

ATLETAS A PARTIR DOS 16 ANOS

Compañía aseguradora: ALLIANZ.

Responsable: Federación Galega de Atletismo (FGA).

Contactar coa aseguradora
no 900 404 444 para comunicar o accidente e seguir os pasos que se indiquen. Acudir ao centro médico facilitado pola aseguradora para recibir a atención.
Cubrir o parte de accidentes e envialo a secretaria@atletismo.gal para que o asine a Federación. Reenviar o parte asinado á aseguradora.
Notificar ao Club o accidente e o seu seguimento.